يابياعين الصبر
الصبر فين اراضيه
وقت المحن والمر
دلونى فين الاقيه
يااهل العلام
والنقد والتفسير
لما الكلام يحتار
بتفسروه تفسير
انتوا اللى حاسين بالوطن
ويا القلم كاتبين
على صفحة الكراس
وقلمكم الحساس
ويا الوجع احساس
يامفسرين لحلام
ومخلصين لقلام
وادى الورق ساعة الشدايد خوف
سن القلم مقصوف
والحبر مش مشتاق
يكتب بحرية
الصبر لما يطول
وقت المحن بيضر
يااهل العلام
والكلمة والتركيز
غنيت كتير لعزاز
ودخلت قلب الناس
وقلوب دى كانت ماس
كان فيها شئ احساس
اضحك ف وش البوز
يحضن كمان ويبوس
انا كنت طوع اراجوز
اراجوز كبير متارجز
ماسك خيوطى بإيده
وقت اما يبقا جميل
طلعنى م الصندوق
يفضل يرقصنى
والضحكة تفرش وشى
افرد وشوش الغلابة
بغنوة فيها طيابة
ياضحكة العواجيز
لما انطفت بتغيظ
والحلم طعم الصيص
ياعم يااراجوز
ياللى خيطانى ف ايدك
وحركتى من تنهيدك
وقت الفرج تهجرنى
وبتقفل الصندوق
وافضل حبيس مخنوق
لاانا عمر يوم زعلتك
ولا عبت يوم ف عظمتك
هوه سؤالى اليوم
استنا يوم ضحكتى
والا اشتريلى الصبر
يتفك يوم خنقتى
والا مصيرى القبر
طول عمرى كنت بقول
عايش ف طوع اراجوز
بقلم عبد الله الخطيب
ليست هناك تعليقات:
إرسال تعليق