علشان خاطر عيونك
***************************
علشان خاطر عيونك
جهزنا لك أحلى كلام ورتبنهولك
وعلى رأي المثل اللي بيقول
×××××××××××××××××××××
مش كل اللي يطبطب عليك بيحس بهمومك
مش يمكن إيديه مبلولة وبيمسحها في هدومك
×××××××××××××××××××××
صدقني يا صاحبي إوعاك تنخدع .... بمظاهر نجومك
وخليك شاطر واحسبها صح ... وِوَاعِي من يومك
أهل الشر ماليِين حياتنا ومحدش .. فيهم بيصونك
ورزقك مكتوب ومقدر وعمره في .. يوم ما يفوتك
والعويل حيفضل عويل حتى .. لو شرَّبْته . ماء بحورك
وأهل الخير موجودين في الدنيا كثير حط عليهم عيونك
وسيبك من الخسيس والناقص ومتظهرش... ليهم عيوبك
وأبعد عن الحقد والغل تسعد .. بفرحك وشجونك
وخليك عنوان للحب لكل البشر .. وحتى مع اللي أذوك
وقل الصدق واحفظ العهد.... ولا تظلم حتى لو ظلموك
واختم حياتك بالصالح محدش ينفعك وهما بيدفنوك
واشكر ربك واحمده صبح... ومسا على اللي أعطهولك
بقلم الأديب والشاعر المهندس / محمد عوض
بتاريخ :15 / 06 / 2022
ليست هناك تعليقات:
إرسال تعليق