ضمير مات.. من كلماتى.. عـــــــــــــــــادل داود
الضمير مات..وشبع موت. والناس واقفه دلوقتى بتاخد عزاه
والكل بيسأل.. مات إمتى.. وازاى. وايه هو السبب فى الوفاه
والناس تايه.مش عارفه الله يرحمهُ.مات. ولا فى الدنيا تاه
المؤكد إنه مش موجود.سدود قتل.إنتحار وظلم وصل منتهاه
ضمير مات...ـــــــــــــــــــــــــــــــــــــــــــــــــــــــــــــــ
والأخلاق.واخده..سجن مؤبد.لكن فيه ناس بتقول حكم إعدام
ولما سألنا مين اللى حكم عليها قالوا. شياطين إنس وطيور الظلام
ورجوله محبوسه. فى سجن مطلعتش.محدش عارف واخده كام
بيقولوا ناس معينه بتفرق المصايب..وراها جماعات ضد السلام
ضمير مات.. ـــــــــــــــــــــــــــــــــــــــــــــــــــــــــــــــ
ضمير مات والناس شبعت سكات وشربت مرار. واكلت.أوهام
وساد فساد ونسيت العباد خالقها. واتجبرت.والناس نسيت الكلام
كله قابل للبيع.شهاده ف محكمه.مساندة ظالم. ودنيا مليانه زحام
كل شيء حلو راح وملينا الجراح.وبقا.. الدولار. هو السيد والإمام.
ضمير مات.. ـــــــــــــــــــــــــــــــــــــــــــــــــــــــــــــــ
لبسنا الباطل ثوب الحق.. وقولنا.. على الرشوه.. عرق وقولنا حلاوه
والكل بيفتى تبع الهوى. ومنافع الدنيا. حتى قولنا على الزنا شقاوه
واللى بيكذب نصدقه والصادق نكذبه. وإن زاد نلبسه تهمه آخر نقاوه
والله ورُحتى يادنيا. والآخره قربت.ولسه موظف مستنى عِلاوه.
من. كلماتى.. عــــــــــــــــــــــــــــــــادل داود....
ليست هناك تعليقات:
إرسال تعليق