....((اوعا تعوم))....
اوعا تعوم ورا الخاين
ولا تصدقله قول
هيغرقك فى بحر حيرة
والناس عليك هتلوم
وهيشيلك على راسك
قرب احسن مافيهم مخروم
هتخر على راسك
وهتنسيك ارضك وفاسك
ولا من مكانك هتقوم
الخاين خاين حتى على نفسه
ولا ليه خير فى حد
ومفكر ان الدنيا بتنافسه
وهو ما يساوى حتى
ولاراس توم
ياللى تعوم فى البحر
خلى معاك مجداف
تصارع الموج والناس
من قوتك هتخاف
بس خلى بالك واعى
تجور على المظلوم
ساعتها هتغرق
والناس عليك هتقوم
.......((وعجبى)).....
فاطمة عبد الرحمن ابو شاكر
ليست هناك تعليقات:
إرسال تعليق