ياشايف ضحكتنا على الوش
تخاف مالضحكة ليه وتكش
وقلبك بالحسد بيرش
وجوه القلب ظنون ماتبانش
***
القلب ياما مداري جراح
ونفسه في يوم ينام مرتاح
دا فكره في الحياة سواح
ينسى ظنونك وكله سماح
***
أبات ليلي وقلبي حزين
واقول ياضحكة روحتي لفين
خطفوها نظرة الحاقدين
اللي في قلوبهم غل دفين
***
حاولت ابعد عن كل الناس
واقرب للي عندهم احساس
قلوبهم يتاقل بالماس
والحاقد بالمداس ينداس
***
هلملم كل أوراقي
واتعامل بأسلوب راقي
و بالود قلبي ساقي
وابوح بودي وأشواقي
***
تعبت ياناس عتاب و ملام
تعبونا سنين قدام
سيبوني أعيش لحظة الهام
وفي ليلي اسرح مع الأحلام
(((أسامه جديانه)))
ليست هناك تعليقات:
إرسال تعليق