أيام عجب......
محتاجين نرجع سنين
نمسح تراب الهم
و نقول للفرح آمين
محتاجين للصالحين
و لكتاب الله المبين
نرجع للحلو اللي كان
و الوحش نهذبه
محتاجين شهامة زمان
و الأمان و الحنان
و الجيران الطيبة
محتاجين للبساطة
و الشياكة و الأناقة
في لبسنا و أكلنا
و نعيد الكلمة الطيبة
نحذف من قاموسنا
عبده موته و السرسجي
السنج و المطاوي
و السفه في الغناوي
و أفلام البلطجي
ما بقتش أعرف البنات
في الشوارع تقول شباب
و الواد بقى ست البنات
مليان أنوثة و هشتكة
و شعره طاير على الجبين
و اللبس منه اشتكى
فين الرجولة و المجدعة
ما تقولشي العيب في الزمن
احنا اللي بعنا من غير ثمن
احنا اللي صعبنا الحلال
و الحرام بنستسهله
الرشوة بقت اكرامية
و العيون مش مستحية
و التهليب رمز الشطارة
و الرزق يحب الخفية
و الناس محتاسة و ملهية
الحال عجب
و كأننا أشباح مش عرب
تهاني بركات ٢٢ / ٨ /٢٠٢٢
ليست هناك تعليقات:
إرسال تعليق