مهموم وشايل بين ايديا
حزن السنين
بعدى وسط المواج م شايف
سكتى رايحه لفين
تعبان وبشقى كل يوم
ولا حد دارى بلى فيا
ظهرى انحنى شايل هموم
الكل جاى دايما عليا
شقيان وعرقى فوق جبينى
والصبر مصاحبنى فى حياتى
بحلم فى يوم ارتاح بقى
اعيش يومين وانسى اهآتى
قفلت فى وشى كل البيبان
ومشيت انادى ع الحنان
قالولى كان موجود وراح
دى حاجه خلصت من زمان
انا دمعى نازل كل يوم
مش لاقى حضن يضمنى
الرحمه خرجت مالقلوب
والعمر خدنى وهدنى
الدنيا مش مستهله حاجه
احنا عليها يادوب ضيوف
امشى عدل تلقى الطريق
هتعيش سعيد رغم الظروف
بقلمى / سمير صبرى
........ فارس الحب ........
ليست هناك تعليقات:
إرسال تعليق