كسرة نفس
لا والله دي كسرة ضلع
لسه ياقلبي اصبر حبة
لسه مانشفش الدمع
هي حكايه حب ومات
عمر في يوم
حلم كان يتحدي النوم
كله ده راح
اهو عدي وفات
كنت ايه
فاكرة في بعادك هموت
وتنشف حروفي
وقلبي يعشش بالسكوت
لا وحياة اللي بينا
قصدي اللي كان بينا
زي مانقشت اسمك
وزي ما حرفي رسمك
لسه جوايا ورود
اعمل نفسك مش شايفها
مش حاسسها
وفوت قوام
وكل ماتحن ليها
لو حاول حرفك يناديها
اوهم نفسك
عالج حسك
صبر روحك باي كلام
اعمل نفسك مش فاهم
احساس واهم
كل ماتيجي تحاول تنسي
يضعف قلبك
يصرخ نبضك
وكانك مصنوع برخام
اعمل نفسك مرة عبيط
اخرة حسك طعم المر
وآخرة حرفك يادوب شخابيط
حرف كتبته
احساس صدقته
فكك بقي
كلك من جواك تجاعيد
فكك من حلم وكابس
كنت مصدق
وتوهم نفسك وتصدق
إن غرامها شيء في وريد
عارف لما تحس بعزوة
لحظة حب
همسه بضمه
دقه قلب وسط اللمة
صعب عليا بعد ده كله
اعرف اني كنت لقيط
اكسر يلا كل مشاعرك
ابعد بقي عن أي شعور
انسي حنانها
اصل حروفك مش علشانها
حسك ليها بقي شيءمحظور
اسأل نفسك
هو الميت ينفع يرجع
حتي لو دمعك يوجع
هتعرف تلم المكسور
احمدعبدالحق
ليست هناك تعليقات:
إرسال تعليق