من غير شخابيط
تعرف تعد
طب عد وقوللي
وصلت لايه
من غير شخابيط
اوعاك ترجعلي
تقوللي نسيت
انا عمري حساب
مليان تحابيش
حبة علامات
اثر الخرابيش
حبة حكايات
في عدم بتعيش
حبة احلام حاضنة
الايام
حبة تنهيد
من قهر فراق
ملهوش مواعيد
ولما تتلخبط
من الاول شوف
تاني وعيد
طب عد وقول
من اول خيط
لخيوط الشمس
لحد الليل
ابو مهر رخيص
وسواده غطيس
احضان للتايه
والجواسيس
حتلاقي نفسك
بتغني وبتسالني
ازاي ياابوزيد
عديت وغازيت
ووضوحك بان
من غير شخابيط
وهاتها جمايل يااارب
شاعر الحارة المصرية
صلاح سليمان
ليست هناك تعليقات:
إرسال تعليق