قصيدة / إحساسى ساعات
..........
إحساسى ساعات
بياخدني لأنك هاتجينى..
و انى اسمع صوتك تناديني...
وحشتني القعدة بجد معاك...
بلاقيني في وقت ما كنت بتيجي...
افضل في معادك بستناك...
مش قادر انساك...
و لا أنسى كلامك و لا صوتك...
و حتى هدؤك و سكوتك...
و لا خفة دمك و هزارك...
نفسى اقعد تانى فى يوم جارك...
القعدة معاك كانت عندى...
الحاجة الحلوة فى اوقاتي...
الوقت معاك كان بيعدي...
من اسرع أوقات في حياتي...
كان أجمل حاجه في حياتي...
طب ما انت بقيت كل حياتي...
و عشان كده قلبى بعدك مات...
إحساسى ساعات...
بيقولي ان انت اكيد مشغول...
مش فاضى عشان تيجى شوية...
او مثلاً سافر و هايرجع...
و ان انت اكيد مشتاق ليا...
فيه حاجات لما اشوفها بشوفك...
مش بقدر احوش دمع عنيا...
لو بلمح واحد من ريحتك...
بتمنى ان انا آخده فى حضنى...
عاوز افضل دايماً اجيب سيرتك...
اهى حاجة و بتهدي فى حزني...
انا كنت عبيط
بتدايق قال لو اشوفك قاعد مع غيري
كنت ازعل لو ما تجيش عندى...
دلوقتى بقول لو بس تعود
و كفاية عليا اشوفك لو حتى معدي...
فيه نعمة تكون قدام منك...
ماتحسش بقيمتها اللى بجد...
غير لما تفارق و تسيبك...
او لما تجرب طعم البعد....
فيه واحد لما يغيب عنك....
صدقنى ما يتعوضش بحد....
.........
على نافع
ليست هناك تعليقات:
إرسال تعليق