... يا قلبى يا ضنايه وداع ...
... بقلم : نشأت خضرجى ...
ابنى حياتى و سندى
ابنى حنانى و ضلي
على عينى يا عنيه
يا زرعة حياتى و الهوا و الميه
و زمانى اللى بميل عليه
فراقك يا ضنايه صعب عليه
غيابك هزمنى و كسر ظهري
يارب أدينى القوة ...
....................
صرخة وداع
صرخة بعاد
صرخة ألم
ضاعت حياتى
و حته منى
و لا قادره أتكلم
و لا قادره أتحمل
... سابنى لوحدى ...
كان أحلى أمل فى ايدية
عايش معايا
و بعينى شايفاه
سنين ورا سنين
شادد عوده على عينى
يا قلبى يا ضنايه وداع ...
..................
و فى لحظة روحى راحت منى
و الدنيا فضيت حواليه
و لا حد حاسس بيا
... و أه و أه ....
لما العين تبكى
بحرقة و ندم
و تنزل دموعى فى نهر دم
وجع رمانى
شوفته لوحدى
فى زمن السكوت
يارب صبرنى ... يارب صبرنى
و أشوفة فى الجنة ...
و أشوفة فى الجنة ...
و أشوفة فى الجنة ...
ليست هناك تعليقات:
إرسال تعليق