" تشد اااااالروح "
بقلم/عماااد الأبنودي
"" "" "" ""
وقالوا عنها برنسيسة
تهز الكون بجمالها
ثقة و أنوثة جميلة
بيغيروا منها حسادها
عيونها يا بوي تسحر
تودي الواحد خبر كان
غير سهامها اللي تقتل
و الدلال حلاوته كمان
تشد الروح كدا تلقائي
لحالة و فيها انجذاب
و طبيعي بشكل لا ارادي
تلاقى العقل وقتها غاب
حورية و صعب اوصفها
ليقولوا عني مجنون
القول مايقدر يوصفها
ولا حتي الشوق المفتون
تسفر خيال ملوش آخر
و تروح كوكب الأحلام
حلم بخياله الساحر
مايوصفوش أبداً كلام
مخبول بقا بيتهياله
إن عيونها بحر صافي
وان قلبها ياما شاغله
وإن الشوق ده مش كافي
تضارب بقا لحالته ديه
لواقع طاير أحلا مكان
و كلماته طالعة غزلية
تعزف أوتارها ع الكمان
عصافير الكناريا راح تغني
عيني يا ليلي فى موال
و الروح وياااااها متهني
بأحساس مايخطرش ع بال
و نصيب الشهد أهو مقسم
والنايب منه و الله كتير
يلضم نجوم غناوي تقسم
سعد والفرح منه كبير
دي حالة عشق مربكه
تفاصيلها تفاصيل ولهان
يا خوفي عيونه تزغلل
و يكون عايش ف توهاان
يخبط كده يعمل مشكلة
اكمنه لهواها أهو مال
و اللي يشوفها يتهيا له
إن حبيبته قدامه ف الحال
محتاج طيب ليه يداوي
للي وصلله و اللي فيه
و يقوله ساعتها أنت غاوي
عاشق هوا مقدرش أدويه
بقلم /عماااد الأبنودي
29 , 9 , 2022
ليست هناك تعليقات:
إرسال تعليق