قوم.. من كلماتى.. أنا. عـــــــــــادل داود.
قوم ودوس على الصعب قوم... قوم وانسى كل.الشقا والهموم
دوس على الجرح. دوس إياك تكون يؤوس. شتت كل الغيوم
قوم واتحدى الحزن وارسم فرح فوق الجبين.إياك حزنك يدوم
أنت عنتر.أكبر وأكبرمن ضعفك.أطلب عون من إله واحد قيوم
قوم.... ـــــــــــــــــــــــــــــــــــــــــــــــــــــــــــــــ
قوم وناطح. حتى السحاب لاحزن ولاإكتئاب. قول.وأصرخ وثور
اللى سابك سيبه.اللى فاتك تقدر تجيبه وتخلق من الضلمه نور
ماتشتريش اللى باعك. والكون براح يساعك خُد حلمك عدى بحور
إبعد. عن.أى حد ممكن يضايقك.وإبتسم وافرح واملى الدنيا سرور
قوم...ـــــــــــــــــــــــــــــــــــــــــــــــــــــــــــــــ
سافر عافر.ناور.أنت أقوى من الظروف.إياك تزورك يوم الدموع
أنت علامه أنت إبتسامه. أنت الشهامه. أنت الشمس ونور الشموع
الأرض بتدور. والشمس بتدى نور. والميه ف البحور. مفيش خضوع
لسه الطير بيطيرفيه قلوب دهب وحرير.وقلب بينبض بين الضلوع
قوم.. ـــــــــــــــــــــــــــــــــــــــــــــــــــــــــــــــ
قول لكل الدنيا أنت مين. وازاى هزمت الحزن والهم وجرح السنين
ورغم الظروف غزلت من الحروف تاج للبطوله. وبتداوى المجروحين
لسه قوتك موجوده. مفيش دروب مسدوده. معاك ديما رب العالمين
لأ والف لأ. تتوه منى إبتسامتى.أو أرفع رايه بيضه وأكون حزين
من.. كلماتى.. عـــــــــــــــــــــــــــادل داود.
ليست هناك تعليقات:
إرسال تعليق