موااال بالعاميه المصريه
💓💓💓💓💓💓💓
آه يانفسي
آه يانفسي من طمع
الناس الحيتان
هاويه تاكل عظام الفقاره
خبيثه لا تبان
تخدع الكل بوجوه تنباس
والحق تنداس ....
ياعيني على اللي يتعب نفسه
وليله وَنَّاس ....
لناس كان فاكر أنهم كالماس
وطبعهم الخسه ....
وندالة الإحساس ....
يطلبوا ماله بنعومة الديابه
وعاملين له حرااااس
أصل الحكايه ياخوي ...
دنيانا صعيبه والولدان
محتاجين القلم والكراس.....
والأصيل يصدق جوع الديابه
وصياح الخوانه
أصلها منه خيابه دايما
تاخده الجلاله
على وجوه تربيتها بجحار
زي الدوده والفاره
رااااح الزمان ورجع
وحمل معاااه للأصيل شوية
عكاره
لاقى وجوه النعومه انقلبت
عليه شماته
إو صيحوا عليه وخلُّوه
بين الخلايق......
تصويره ومقاله
شوفتوا الجدعنه لما
تنقلب مهزءه تكون
على صاحب المروءه....
مَحْزنه
يعني نعدم الرجوله علشان
نكون بالدنيا معيره
ياريت الأهل ما جبونا ولا شفنا
أهل المظهره
.....وعجبي
بقلم/ ياسر عبد الفتاح
مصر/ منيا القمح
ليست هناك تعليقات:
إرسال تعليق