متر في متر يدوب يلمك
جوه القبر القبر يضمك
كل الخلائق مش سمعاك
يتحلل جسدك يجي غيرك
اسمك مكتوب على قبرك
شهر اتنين حبايب يزوروك
بعد كده ربنا معاك
يمكن زوجتك تتجوز غيرك
عادي العمر بيجري نست ذكراك
ولبسك راح يلبسو غيرك
وسريرك هينام فيه غيرك
وانسى اللي قال كلنا فداك
حتى اعز احبابك فاتك
في الدنيا بتجري مسافات
شقى وتعب طول الأوقات
تشتري ارض ابني عمارات
شهر عقاري و تسجيلات
حلال حرام ياعم هات
ابيع بودرة اشتري دولارات
ماهيش فارقة في العلاقات
راحة الضحكة والابتسامات
مشغول دايما في الرسومات
لحظة وييجي هادم اللذات
ييجي المنادي الباشا مات
وبتندب كل الحريمات
تنام في قبرك في ليل سكات
فكر اولادك في الثروات
قطر العمر اهو مر وفات
وفي قبرك خلص حسابات
جنة ونعيم او في الظلمات
(((أسامه جديانه)))
ليست هناك تعليقات:
إرسال تعليق