قلبك حجر
»»»»»«««««
يا بخت قلبك بيك بيقدر
يقسي ويظلم وعمره
مَاجاب اللوم عليك راجع
تلومنى علي بعدك جاى
تشتكى من ظلمك
يا فُجر قلبك
أنا سمعتك للآخر ومش
هقلب في الدفاتر بكلام
خايب لساك فاكر إحنا
لسة حبايب
لساك فاهم لسة الباب
موارب وجاى نتعاتب
لا ياللى كنت حبيبى
مَابقتش أكل من الكلام
دا والقلب قفل بابه وفاق
من أوهامه وصحيح إللى
أختشوا ماتوا
مافيش بينا عتاب بالسلامة
وخد وراك الباب
وأنا إللى غلطان ياما
قالولى أبعد عنك قلبك
حجر مالوش أمان
بتاع حوارات بس قُلت
أعمل من الفسيخ شربات
إنكسر قلبى وخاب
أمَلى صحيح الطبع غلاب
بقلمى/ هشام محفوظ
ليست هناك تعليقات:
إرسال تعليق