أه بحبك
أه بحبك تانى أحكى
يلا نحكى من جديد
كنت قولت لما أوصل راح أرن
لسه فيه بنا كلام
راح أقولك ليه بحبك
ليه بزورك فى المنام
ليه بحس رغم بعدك
جوه قلبي من زمان
بس إنت نسيت ترن
إوعي تقولي إنشغلت
ليه نستني ليه نسيت ليه ترن
هو مش فيه بنا كلام
كنت عايزه أه أقولك
أه بحبك من زمان
قولي يلا مش نسيكي
غصب عني إنشغلت
أيوه عنك إنشغلت
بس غصب عني
كنت لسه أه ح أرن
كنت عايزاك تحس بيه
أد ما أنا حسه بيك
علشان إنت إللى ليه
قولى مين ح يحس بيك
إلا قلبي إللى إشتارك
من ساعتها بيناديك
أه بحبك قولتهالك من زمان
كنت تجى تملي ديما فى المنام
عارفه إنها كبيره عليهم الحكايه
المهم هو إنت إوعه تنسى
يوم ح أقبلك من جديد
يوم ح أصدق قلبي حاسس
أه ظلمتك بس صدقني بحبك
غصب عني إني بعدت
بعدت عنك وأنت مستنى هناك
أه بحبك مين معاك
طب وصلت الساعه كام
طب فاكرني لاء نسيت
طب وحشتك أد إيه
هو إنت لسه فاكر طيب إحلف
ح أبقى أحكي ليه سافرت
ليه ماسلمتش عليك
كنت خايفه من الوداع
تانى يمكن أكون ظلمتك
قلبي حاسس بالضياع
لما أوصل ح أبقى أرن
لسه فيه بنا كلام
كنت خايفه تقولي تانى
إمته أنسى هو ليه مش قادر أنسى
نفسى أنسى كل حاجه
هو فعلا هان هوايه
طب ح أقولك كل حاجه بس إهدى
أه بحبك رغم إنك مش معايا
أه بحبك وإنت كلك. أه منايا
غصب عنى لما روحت
ماقولتلكش بالسلامه
شعر
على أبوالسعود
ليست هناك تعليقات:
إرسال تعليق