------- مهما قلتم قاسيّة. -----
مهما قلتم قاسيّة
يلزمها تكون
في واقع مشحون
تعلّي راية دارها
والعرض تصون
مهما قلتم قاسيّة...
........................
مهما قلتم قاسيّة
في وقت صعيب
لا صاحب...لا حبيب
مراكب صيدها راسيّة
لعلّ تجيب
لو ما كانت قاسيّة
تأكلها عيون...
تتجاوز نظرة عاصيّة
تلقى مليون
مهما قلتم قاسيّة...
......................
مهما قلتم قاسيّة
قسوتها عسل
مثيل البدر تهل
الأنوثة ما هي رقّة
الأخلاق قبل
ولباس معدّل
ووعودها ما هي ناسية
ومحال تخون...
وللمصاب مواسية
كلامها موزون
مهما قلتم قاسيّة...
.......................
مهما قلتم قاسيّة
يلزمها تكون
في واقع مشحون
تعلّي راية دارها
والعرض تصون
مهما قلتم قاسيّة...
الهادي عباس- تونس
ليست هناك تعليقات:
إرسال تعليق