مكسوفة ليه؟؟
متقولى نبعد من سكات
ولا انتي فاكرة إن انتي أول
وانت آخر مُلهمة
دا انا قلبى بحر مالوش قرار
فيه معجزات
في الحب ساع مليون حبيبة ومُغرمة
مصدومة ليه؟؟
مستغربة !!!
كل اللي فكر يوم يبيعني ما عاش ساعات
صبحوا موات!!
هاتروحي روحي
هاييجي غيرك يسكنه
أنا قلبي أصله بيعشقه كتير معجبات
مش ناقصة هي مناهدة بكفاية حكايات
هاعتبره دفتر
ورقه بات بهتان وداب
وهاغيره وهاعيد كتابة قصته بالمفردات
ما انااصلى بارع ف اختيار أحلى روايات
من وقت بس ما جه في بالك ترحلى قلبي اتحجز
منهارة ليه
متوترة
وبتفكري تعيدي اللي فات
أحسنلك إنسي بالهداوة
ما عندي ليكي مسكنات
أصلك خلاص م الصدمة ضرس وعصبه مات
وأنا يوم ما ضرسي يتوجع ويزيد أهات
أنا بخلعه
ويروح ويرجع تاني غيره يبدله
مش ناقصة هي مهدئات ومبررات
ف ياريت تفارقي وترحلى في حالة سكات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مكسوفة ليه؟؟
ما تقولي نِبعد من سكات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات الشاعر
،،،،،،،،،،،،،،،،،،،،،،،،،
سامح السبكي
،،،،،،،،،،،،،،،،،،،،،،،،،
4/10/2022
ليست هناك تعليقات:
إرسال تعليق