♕ ريحة الحبيب ♕ بقلم الشاعر : علي نافع

قصيدة / ريحة الحبيب

.....

ريحة الحبيب بتريحك...

و عشان كده...

دايماً تدوّر ع اللى من ريحته...

لو حد من دمه...

او ذكرة ليك وياه...

ولا مكان مرة معاه رحته...

صحيح بتشتاقله...

لكنه برضه فيه حاجة بتهديك...

لما بتتكلم عليه...

ولا تجيب سيرته...

ترتاح شوية...

من قساوة الشوق اللى بيقتل فيك...

دايماً تحاول تلهى نفسك...

. فتلاقي نفسك...

بتلهى نفسك بيه...

مش غايبه ابداً عن عينيك صورته...

و لا انت قادر مرة تمنع...

عقلك يفكر فيه...

فتهدّى نفسك بالحاجات...

اللى تشوفه فيها لو شفتها..

و تحن دايماً للمكان اللي معاه رحته...

ريحة الحبيب بتريحك...

و عشان كده..

دايماً تدور ع اللى من ريحته..

.......    

كلمات / على نافع