فضل الله
لسه عايشين
وحياتنا هي هي
مابين صباح رايق
مبدوء بحمد الله
ويوم طويل مش مضايق
لأن كله لله
سبحان الله على الخلايق
راضيين بفضل الله
فيهم اللي هامم على شغله
علشان خيرات الله
وفيهم اللي فاتح محله
عشمان في وجه الله
ويبقى يومه نادي
مشفوع بكرم الله
وفيه اللي ف.بيته مستور
مشغول بكتاب الله
عاش كتير في حياته
شغال بكل قواه
والنهارده عليه يرتاح
وده كان قصده ومناه
الدنيا ربك ميسرها
لاجل الجميع يتعايش
على خيره ونوره وهداه ...
أسامه عبد القادر أحمد
ليست هناك تعليقات:
إرسال تعليق