قلب الوحداني
الكلام اللي بيوجع
ابدا مابيتنسيش
بس احنا اللي بنعدي
علشان نعرف نعيش
وياريت اللي وجعنا
يجي يوم عليه يحس
وافهم ان الجروح
مكانها مابيتمحيش
امانة علي كل قلب
يكون صافي ويحب
بصدق ويكون صريح
لايسيء ولا يوم يسب
لان القلوب بتعاني
من اي وجع او كسر
خاصة قلب الوحداني
بعيش في حزن وقهر
فبلاش تجرحوا حد
او تكسروا اي قلب
وازرعوا محبة وود
هتحصدوا خير وحب
شعر د / ابراهيم القماش
ليست هناك تعليقات:
إرسال تعليق