عبد الفتاح عبد الرحمن والي
.............(بنت الجنيه)..............
خليني أشوف أخرتها معاك
وريني غيري مين يهواك
علشان يعني بدوب في هواك
ما كنت فاكر قلبي معاك
خليني أعرف كل ماضيك
ومين دا من دا إللي روحه فيك
من همسه واحده كنت أناديك
وأما تشاور في لحظه أنا أجيك
صدقت قلبي وبغير عليك
يا إللي إنت قلت انت بتهواني
وبايع كل الكون علشاني
ولا حب تاني راح يلقاني
طب ما إنت نفسك ترجع تاني
كدب عيونك لو عشقاني
يا ريتها مره وكنت زمان
كلمه أقولها في أي مكان
حبك يا روحي جايبلي جنان
أما غريبه يا نص لسان
جنيه عاشقه في روح إنسان
ليالي كتير أما بعيشها
أعشق تاني ولا فاكرها
تلملم روحي إللي فارشها
وأداري جروحي بنار شفايفها
ما إنت كمان حاجه تحير
كنت فاكرني في يوم أتغير
لما هتبعد عني وتنسي
ليه فاكر قلبي صغير
ريح روحك إسمع ماشي
راح حبيبي في يوم ولا جاشي
يمسح دمعه ما تسواشي
وأما جروحي نار ما طيباشي
لما لقوني بأبكي يغنوا
وفي أحزاني قاموا إتحنوا
ما إنت يا روحي كنت هنايا
وفي أفراحي عشت معايا
وأما أشوف أخرتها معاك
وريني غيري مين يهواك
................
ليست هناك تعليقات:
إرسال تعليق