بياع كلام
««««»»»»
هعرف قلبى طبعك
وأشكى للناس منك
وأخليه ينسي وعدك
ويصبر علي المكتوب
ويعيش أيامه ويفرح
بشبابه دا العمر بقي
محسوب ويبعد عنك
ويقطع العشم فى
حبك وكفاية إللى
ضاع جنبك وهعتب
عليه لو يوم أشتاقلك
وقال بحبك
وهعلمه كمان يقسي
ويبيع كلام ويعمل
زيك يغيب بالجمعتين
ويرجع يقول الكلمتين
ومعاهم كام تنهيده
ودمعتين والأعذار
كتير عندك ويحلفلك
ميت يمين حبك ماله
مثيل ودايما علي بالى
ومش هبعد عنك تاني
والدنيا جنبك ليها
طعم تانى وبنسي
معاك همى ومقدرش
أعيش من غيرك لو
حطه سيف علي
رقبتى ويقول ويعيد
ويسرح فى الكلام عن
الأحلام وفرح العمر
إللى جاي قدام بكلام
جديد وكله أوهام
يا بختك بقلبك بيقدر
يطاوعك ويبيع كلام زيك
بقلمى/ هشام محفوظ
ليست هناك تعليقات:
إرسال تعليق