سيبونى أعيش
××××××××××
سيبوني أهرب .............سيبوني من ظلمكم أعيش
العمر بيعدي وفكركم............. كله لخبطة ودراويش
أفكار ومعتقدات بتهد ....السليم والحياة والتعريش
ظلم وأسياد واِحنا ................بقينا شوية بقشيش
مساطيل من الهموم ........ماشية كشارب الحشيش
راح العدل والأمان وكثرة....... التهاليب والتحابيش
سيبوني أهرب ............سيبوني من ظلمكم أعيش
يمكن ألاقي مجتمع مفهوش محسوبية ولا ألاضيش
عاوز أعيش مع ناس............... ملهمش في التكريش
ناس مابتسرق حق.............. الغلبان اللي عايز يعيش
ناس ما تمسح الجوخ .....ولا تعمل أرضية للتفريش
مجتمع سليم وماشي ....صح من غير نقر وتقريش
سيبوني أهرب................. سيبوني من ظلمكم أعيش
أديب وشاعر مهندس /محمد عوض
29/10/2022
ليست هناك تعليقات:
إرسال تعليق