ياما دقت على الراس طبول
لا زعلنا ولا قلنا يوم تعبانين
ضيق الحال مصيره يزول
لكن الزعل كله من الخاينين
صاحبك وحبيبك يسيبك
انت اللي كنت دراعه اليمين
لحظة شدتك قطع صلته
كأنك غريب يقولك انت مين
والأهل اللي انت منهم
حجتهم على طول مشغولين
كنت بتسأل وتزورهم
لا خافوا عيب أو جابهم حنين
واكتر خيانه من صحتك
لما تخونك تجري دموع العين
أمر من المُر سؤال الغير
والمُر كله لو تسأل الجاحدين
يارب لا تحوجنا لغيرك
وأقبضنا إليك بالصحة متعافين
✍️ خالد المغربي
ليست هناك تعليقات:
إرسال تعليق