أهى بتتعد
بقلم الشاعر/ احمد نيازى
ايام العمر بتعدى وعداد بيعد .. لا حاسس بيوم دفا ولابرد .. وكلم حالى على حالى مالاقى رد.. وزرعت جناين محبه وابدرها فوق الأرض.. رغم اللمه انا وحدى مالاقى جنبى حد.. سيف الدنيا جرحنى مزروع هنا فى القلب .. بسن وحد.. واقول الاه مش عجبا حد.. ايام العمر بتمد مد.. وانا لوحدى مالى حد.. شكوتى فى سطورى واشعارى واللحن حزين فى اوتارى برق ورعد .. على نغمات الناى انغامى وضاعت منى أحلامي بين جذر وشد .. بكتب بهون على حالى وواسى بيها كده نفسى واقول يا دنيا ليه تقسى مالقيت لى كلامى رد.. الكل بيقول كلامه روعه لاحاسين بجراحى ولادمعه خليكى يادنيا كده سمعه ما تكنيش لى كلامى كده ممنعه .. انى اسمع منك رد .. قطر حياتى عدا واهى ايام على الايدين تتعد
ليست هناك تعليقات:
إرسال تعليق