عمر متسرسب
سكينة الشريف
مصر
ـــــــــــــــــــــــــــــــــ
ليه الولادة متعثرة
و مستخسره تشوف ابتسامة ع الشفاه
مرسومة علي صوت ضحكتي
و الفرحة لية مستكتره مسكة ايديا اللي بقالها سنين كتير متشوقة للحظة دي
يا أماني عمري اتسرسبي من بين ادين حزني الدفين
ساعدي الوليد علشان ما يقدر يتولد ولو ولادة قيصري
تعب الربيع لما خرج من بين براثن الخريف
وجري بسرعة ووجهته بحر الأماني اللي في حياتي مفرعة
يغسل هموم متوزعه بجسمه النحيل
وركب له موجه توصله لبر الأمان. البحر هاج وصرخ بكل اللي في جوفه من غضب ونده خريفه يقف لي في أحضان سكتي دبل زهوري بالعطش والريق نشق
صرخ الخريف في وش احلامي الهزيل
رايحه لفين؟ فاكره هسيبك تفرحي؟ او دمع عينك تمسحي؟
واخد وصاية من الزمان انك طريقي وسكتي
راح اهزمك واكسر مافيك من جسارة
واهزم ربيعك وفي زهوره ادس سمي في بحر عندك حبة نقط
واصفي دمه من الوريد علشان فولازك ينتني
وانت عنيدة ولسه بتعاندي و عفية.. ومضيتي عقد مع الوصول وحالفه عنه ماتنثي
زيد العناد وانا برضه منتظرة الوليد
وهاقول واعيد
الفجر لو غلبه الضلام جاي من جديد
ليست هناك تعليقات:
إرسال تعليق