الله يسامحك
****&****
مش حسامحك يوم
ياللي خليت شمس حياتي غيوم
وإنقضى عمري هدر وأنا بسأل بلوم
كان بإيدك نعيش نحيا أحلى سنين والسعادة تدوم
ما إحنا كنا عارفين طريقنا ما تعسرنا فى يوم
ولا غرقنا فى همومنا وإحنا بنعرف نعوم
إيه جرالك إتلهيتى بالظنون والجفا واللوم
جات منين كل القساوة
وإنتى الحلاوة والنقاوة مش هموم
وخليتينا عايشين فى هم
عايشين فى غم من غير لزوم
منتظرين مصير محتوم
ما العمر كان لسه قدامنا
والفرحة جايلنا قدوم
نعيش ونهنأ ونسعد قلوبنا
وإحنا نجم النجوم
كنت بدعيلك فى صلاتي يا حياتي
حتى أيام الصوم
إن أشوف دمعه فى عيونك تغسل همومك
تحن قلبك ولا تجافيكى النوم
ما أنتي خلاص إنتهيتي من حياتي
ما صدقت أقوم من غفلتي
والأنين صار أماني مع حب تاني
أحيا فيه اللى مات والذكريات بتناديني..
.....وقلبي يقولك مش حسامحك ....
.ولا أقولك انا مسامحك
مانا خلاص نسيت ملامحك
..أنا مسامحك والله يسامحك
****&****
سمير بحر
****&****
ليست هناك تعليقات:
إرسال تعليق