إلى أخي وصديقي الكابتن محمد صلاح بطل في كورة القدم ، وفخر مصر والعالم العربي والعالم أجمع .. أهديك ألف سلام وتحية وألف مليون مبروك على الكأس الذهبية وحصولك على أحسن لاعب في العالم 2022م ؛ وفوزه بجائزة "غلوب سوكر" كأفضل لاعب حول العالم بتصويت الجماهير.
إهداء من الشاعر/ ناجح أحمد - صعيد مصر
ياللا املوها ياللا هتاف
أبو صلاح أحسن هداف
أحسن لاعب ما عليها خلاف
فخر بلدنا مـــــــ الأشراف
شايل علمنا فوق الاكتاف
الله يحميه عدى الأوصاف
يا بو صلاح يا أسطوره
علم كل العالم كوره
في ليفربول زي العصفوره
الانجازات تواريخ مسطوره
مو صلاح نجم الكوره
فرحة مصر يا بندوره
كاس العالم مش فزوره
أيامنا الحلوه قريب محسومه
لعيبة مصر في أحسن صوره
خليتوا الناس بينا فخوره
أبطال مصر هيه المنصوره
كاس الأمه يارب تدومه
راح يجيبوه هنا بسهوله
نجوم مـ الآخر قوي في الكوره
تريزيجيه و النني معاه
رمضان صبحي ويا علاء
أحمد حجازي والسعيد
زيزو وأفشه ويا مرموش
بـ منتخبنا هومه الأساس
مصطفى محمد مايخافوش
رجالة مصر يا نبراس
أبو جبل وصبحي وجاد
و الشناوي أحسن حراس
أيمن أشرف والسوليه
الباص مسطره بالكراس
حمدي فتحي ويا الونش
رجالة مصر ميزان حساس
أشرف وأكرم ويا شريف
محمد عبدالمنعم الحريف
فتحي وفتوح إمام أفراس
عمر كمال ويا عاشور
علمنا في مصر عالي الراس.
بقلمي/ ناجح أحمد – مصر
ليست هناك تعليقات:
إرسال تعليق