*** صراع الأدب ***
ملعوووووون
ملعون أبو الكتابة خلتنا
نعيش ف غابة وناكل بعضنا
يا إما تبقى معاهم وتمشي
على هواهم يا ينهشوا لحمنا
عالم ما تعرف عيبة وسوقهم
هو الغيبة وقال ينصح لنا
شوهوا معنى الأدب والكلمة بتستلب ويمصوا دمنا
الأدب يعني ثقافة تغير أفكار بلطافة ونور يشدنا
وتلاقي حوار بناء يجمع كل الفرقاء ويسعد قلبنا
الأدب يعني أخلاق يكره طبع النفاق ويقوي عزمنا
مش ناس عقولها فاضية وعاملة فيها قاضية وتهد في جمعنا
قولنا نروح الفيس هنلاقي
فكر حسيس بالعلم يمدنا
نتبادل فيه الكلام وقصايد بدون ملام وحضن يضمنا
لقينا عقول مفيش غاوية
شهرة وتهييس
والحرف عنده غايب وباني حواليه متاريس
ما يعلق غير بصورة ويشوف واحدة أمورة
وإن قالت مرة لا ما تشوف
غير فعل خبيث
تشهير وكلام قبيح صريح أو بالتلميح
ويخوض بقى في الأعراض والشيخ أصبح أبليس
أوعى تنسي رب معين سامع دعوة المظلومين
شوه واخرب بيوت عمرانة أصل كله سلف ودين
واحنا هنكمل المشوار والأخلاق لينا أساس وشعار
عمر حرفنا يوم ينهار وذاكر ديما للقهار
أصل دى دنيا بجد وزايلة
وخصمك يفرح يوم الدين
*************************
بقلم / مصطفى كرم
ليست هناك تعليقات:
إرسال تعليق