لما ظلمتوا القلب اتألم
خاف من ظلمك راح يتظلم
خد أوراقه في شنطة ايده
راح للقاضي أنا بتظلم
***
فين أوراقك و الدليل
قالو النبض معايا شهود
نبضك حتما راح يشهد لك
اصل الظلم له أبعاد
بكره تجيني و معاك شهاد
***
راح و معاه زهور البساتين
عملوا زحمه في الكمين
و فضلنا طول اليوم واقفين
و انا محتار و القلب حزين
قلت يا قلب السكة منين
والزهور نثرت عطورها
جلبوا علينا ناس تانيين
قلبي سبقني بدون اوراق
قاله القاضي شهادك فين
قاله واقفين في الزحام
قاله مين شهادك مين
قاله زهور كل البساتين
و مين راح يعرف كلامهم
قاله كلامهم عطر ثمين
بعبق الريحان والياسمين
دول شهادي الطيبين
قول مظلمتك
قال مظلمتي من اللايمين
بيفرقوا بين قلبين
ارجو رحيلهم
دول قاتلينا بنظرة عين
و احنا في حالنا
عايشين في خيالنا
واللايمين لنا مراقبين
حكم القاضي بالرحيل
ما لكم و مال العاشقين
ليه تفرقوا ما بين قلبين
في عالم محتاج للحنين
(((أسامه جديانه)))
ليست هناك تعليقات:
إرسال تعليق