**** كان ياما كان ****
كان ياما كان
الحب زارنا زمان
يرسم ع الخد ضحكة
ويفتح الألوان
قولنا خلاص يا دنيا
والله جه الأوان
نفتح للقلب باب
لأجمل الخلان
يكون بلسم جروحي
وتسعد بالقرب روحي
وتحس معاه الأمان
يبقي خلي ورفيقي
ونور ينور طريقي
ونفارق الأحزان
أتاري الدنيا غدارة
خلتني أحس بمرارة
وضاع الحب يا خسارة
ورجعت للحرمان
كان ياما كان
حبيبي يا انا
يا أغلي من حياتي
إزاى أقسي أنا
وأنت كل أمنياتي
أنت القلب الكبير
وانا في حبك أسير
إزاي أقدر أسيبك
يا عشرة عمرنا
حبيبي يا نور عنيا
ويمكن أكتر شوية
لو غبت عن بالي ثانية
الحلم يضمنا
**********************
بقلم / مصطفى كرم
ليست هناك تعليقات:
إرسال تعليق