مصر
كلماتى ..الشاعر ..محمد تريكة تريكة
مصر ربنا حاميها
من اعدائها ومن حراميها
من اللى متمرمغ فى خيرها
وطول اليوم بيلعن فيها ............
مصر غاليه عليا جدا
مصر اصل الكون ده كله
واللى عايش فيها عارف
انها شمسه وضله ................
اللى ينكر خيرها واطى
واللى عايش فيها راضى
وانا عمرى فى يوم ما اطاطى
للى بيأذى ويخرب فيها ..................
مصر جنه ترابها حنه
مصر ديا حته منا
مصر شعب اصيل مكافح
مصر ذكرها فى قرآن وسنة ..................
مصر ظابط او مهندس
مصر البنا فيها اسس
مصر عامل او طبيب
والكبير فيها مدرس ........................
مصر بيت كل العرب
فيها الجمال لينا اتوهب
مصر العزة والكرامة
فيها الشعر والادب ....................
مصر فيها خير جند
جيش بيبنى مش يهد
مش عاملين مابيننا سد
احنا ولادها تحت الطلب ...................
مهما شفنا فيها مر
برده شفنا حلو ياما
واللى ينكر خيرها يوم
رح نقوله مع السلامة ......................
مصر بالنسبالى ام
حضن فى الغضب يضم
واللى جاى والاهم
اننا نحافظ عليها ..................
اسالوا الجبل فى سينا
ايه حصل هناك زمان
حاولوا يسرقوا اراضينا
راحوا ضحايا فى البركان .............
بركان الغضب ساعتها
خد فى وشه كل شئ
عشان نعرف يوم قيمتها
نرسم مع بعض الطريق .................
الطريق بدايته خطوة
نحمى بلدنا من الخطر
واللى بيصبر اكيد بينول
والخير جاى زى المطر ...............
بحبك يامصر
مصرى وافتخر ...........
ليست هناك تعليقات:
إرسال تعليق