بقولك ايه
يابنت الايه
ياساحره الكل
ياصحبة فل
ساحرانى
بحبك ايوه والله
واغنيلك غنايا براح
مسا وصباح
وانور ضحكتك تانى
ياست الكل انا سواح
وف دروبك بكون مرتاح
بحبك ايوه والله
بحبك حلم كان ساكن
ف قلبى زمان
وكان ياما كان
انا العصفور اللى باس خدك
شربت الحب من كفك
حروفك عطف من طيفك
ونسمة بتشفى تنهيدك
وفجر ك ينده العصافير
يصلوا الصبح يدعولك
يزفوا الفرح فوق شجرك
وغنوة ترن مين قدك
غناوى تطمن العاشقين
ياحب كبير
ساكنى كتير
بحبك ايوه والله
يابنت الايه
بحبك صحبة وناسه
وفنجان شاى
يلف علينا بالراحة
وتفرد وشنا الضحكة
تشوفها بطيبة وسماحة
قلوب صافية
وحضن يدفى ميت مرة
تقول ازاى
ولما الست بتغنى
نقول الله
ولمعة نن ف الننى
أشوف صورتك
تغنى للجمال موال
وليل بالفرح بيمسى
وشوق بينادى قول الله
بحبك ايوه والله
يابنت الايه
بقلم عبد الله الخطيب
ليست هناك تعليقات:
إرسال تعليق