بتوجعني ليه
بتوجعني ليه بنظرت عنيك
والحيرة إللي باينة بشدة عليك
وكأن الندم جواك وماليك
وأنت ليا كل الحيااااااة
*******************
أنا أحتارت مابين مليون سؤال
وعنيك قالت إللي ماعمره أتقال
وأتشتت فكري وبقى حالي حال
وصحيت في قلبي آنين الأاااااااه
********************
راح فين الحب إللي كان بينا
وشوقك لقلبي لما أتقابلنا
ليه هان عليك وعنه أتنازلنا
ولا في زحمة مشاعرنا تااااااااه
******************
ليه نور قلوبنا أتحول لضلام
ومعدش نافع مابينا الكلام
ومصيرنا هجر ولوم وخصام
وليه نعيش في البعد وآسااااه
******************
فين أحلامنا ف كل ليلة
وأمانينا الحلوة الجميلة
وطريقنا إللي رسمناه بإيدينا
فين راح دا كله ياحول الله
*****************
خلاص بقى أنسى إللي فات
وتعالى نرجع أجمل ذكريات
وكفاية عيشنا سنين في آهات
ونودع الماض بقى وننساااااه
****************
هات إيدك وأحضن إيديا
ورجع الفرحة من تاني لعينيا
أنت حبيبي في الدنيا دية
ويشهد المولى في سمااااااه
بتوجعني ليه
شعر/ وحيد محروس خليل
ليست هناك تعليقات:
إرسال تعليق