*** أنا مش نازل ***
على صوتك انزل عبر
ضاق الحال ازاى هتصبر
أصرخ طلع غل سنين
حطم ولع خرب كسر
دا شعار أخوان مجانين
فاكرين هم المخلصين
عمال يشحن فيك ويقول
فاكر نفسه صادق وأمين
بس يا عم كفاية تخوين
خليتوا عشتي زي الطين
أسعار والعة زي النار
غاز ونور وأكفي منين
بطل تلعب على دا الداء
كل العالم عايش ف غلاء
شوف اوربا وحتى أمريكا
طوابير واقفة تشكي البلاء
ملناش دعوة بحد غيرنا
خلينا بس نعيش في خيرنا
عامل تبني كباري وقصور
واحنا الجوع بيهد حيلنا
ليه مش شايف الإنجازات
فدادين خضرا بالألوفات
وبتروكيما ورملة سودا للصناعات
ومترو خرافة وتجديد كامل للقطارات
وألا تكافل ويا كرامة
وحياة كريمة للأسرات
بطلوا بقى شغل التطبيل
برضوا هننزل ودا حق أصيل
وهاخد حقي بالدراع
لو حتى هموت قتيل
ولما تنزل تخرب فيها
وتهد في اجمل مبانيها
تفتكر الغلاء هيمنع
والله اللقمة ما هنلاقيها
كلمة نقولها بكل أمانة
مصر دى زي الروح جوانا
لو فكرنا نخرب فيها
يبقى هلكنا وشوفنا فنانا
********************
بقلم / مصطفى كرم
ليست هناك تعليقات:
إرسال تعليق