أوراق شجر
**&&**
فاكره لما كنت بقولك
حبك فى قلبي دم فى شرياني
بأحسس طريقي ما أنتى عنواني
حبك فى قلبي ثائر كبركانى
.. يملأ أركاني ومن أحلى سكاني
ما أنتى النكهة اللى عايشة فى كياني
يهز أوتاري يردد ألحاني
وأصبحتي دلوقتي عذابي وهواني
لا قادر أنسى حبك ولا قادر أحب تاني
ليه جرتى عليه ونسيتى كل الأماني
فين راحت رقة مشاعرك وكلمات الأغاني
ليه قلبك قسى ونسى حب الزمان
فين همستك فين لمستك
راحت فين لهفتك عشاني
وبسمتك اللى كانت زهرة فى بستاني
ده كان أمنيتك تفضلي معايا ثواني
جرحتي قلبي واللى إنجرح
عمره ما يصفى تاني
قلبك حجر ..وقلبى أوراق شجر
.....بقيتي خطر على أغصاني
****&****
سمير بحر
****&****
ليست هناك تعليقات:
إرسال تعليق