*الدنيا تلاهى*
***********
تعالى. نفكر سوى قبل فوات الآوان
ونترك شويه الهوى ونبعد الشيطان
ونعمل لنفسنا حاجة نكون فى أمان
زى.. مابنحرص على الدنيا وبنجاهد
وكل واحد على آخره بيجرى رهوان
@@@@@@
بنجمع المال وبنبنى فى أرض خراب
نفرش. بيوتنا ونلبس من أحلى ثياب
ومهما. جمعنا ولمينا كله رايح للتراب
وبرضو بنحاول نزود ومش مقنوعين
وادى.. احنا مالهيين وبنعشق السراب
@@@@@@
اسمعنى.... راح اقول لنفسى قبل منك
أنا وانت فاهمين مهما كبر سنى وسنك
وعشنا فى سعادة وزيادة عندى وعندك
ومهما جمعنا وشبعنا احنا كلنا مسافرين
للخراب.... عاشقين والدنيا همى وهمك
@@@@@@
طيب. ماتيجى نبدأ ونعمر قبرنا م اليوم
ونفرشه بالصلا والزكا والذكر ويا الصوم
وندى.. حق العباد ونساعد بقى المحروم
ونصلى على المصطفى ونملا قبورنا نور
وبلاش... ع بعض نجور وتكالنا ع القيوم
@@@@@@@@@@@
١٩/١٢/٢٠٢٢ صلاح الديب..
ليست هناك تعليقات:
إرسال تعليق