ياعم الخياط فصل لي دوله
عايزها براح وابنها هو الأولي
عايزها ع ناصيتين ليها رنه
وفيها نهربيجري بميه حلوه
وبتطل ع بحرين بقنال رابطه
خيراتها فوق الارض هايله
وبطنها شايله كنوز فراعين
ماتقوليش تشبه هبة النيل
مصر ماعدتش هي من سنين
لا براح ولا ابن مرتاح ولاقوه
سيبك من تاريخها شوفها فين
شبه دوله عزبه متاخده مقاوله
وفصل لدولتي دستور متين
مايفرقش بين مواطن وعتاوله
عايز أساسه متين من سنه ودين
وعايز شوية قوانين اهي محاوله
مافيهاش ضغوط دوليه وعلمانين
عايزك تفصلها من قماش من طين
يمكن ولادها يعيشوا مرتاحين
والغيلي الواسطه والمرتشين
عايزها من غير سجون ولا سجانين
ولا بأشا وبيه وماتعرفش انا مين
بالعدل والرحمه تختفي المجرمين
خايف عليك تفصلها يحسبونا مجانين
يتهموك بمحاولة انقلاب ع شبه دوله
روح الله يسترك لاتتاخد في الرجلين
مجنون وحلم بوطن اهي محاوله
وطن يحتويه مجرد محاوله
دنياااااااا
سامح عزب
Sameh azab
ليست هناك تعليقات:
إرسال تعليق