لما تبكى الرجال............
بقلمى منصور ابو عبدالله
.............
برضه الرجاله تنزل منها دموع
ايوه تنزل منها وغصب عنها
لما يكون القلب موجوع
ومش عارفة ليه دا كله يحصلها
.......................
لما الزمان يدوس على الجدع
ويتناوب عليه الوجع
ويشرب هم لحد الشبع
والضحك منه راح واترفع
.........................
ولما يكون طول عمره غالى
ومقامه بين الخلايق عالى
وتاخده الهموم شغله وتسالى
ولما يسأل حظه يقوله وانا مالى
..........................
يا دنيا ليه رخصتيه
ومن فرحتك مش بتديه
وبين ديابه ترميه
مش كفايه عايش وبتموتيه
............................
لما يبقى غريب وسط الناس
وهو العزيز يذل و ينداس
وهمومه تعبى ألفين كراس
ويتوه عنه الطريق ويحتاس
......................
يبقى لازم الراجل تنزل دموعه
ويبكى على حاله
وعمره ما حد حيسمع بكاه
امانه سيبوه يبكى على هواه
...............
بقلمى منصور ابو عبدالله
لما تبكى الرجال
ليست هناك تعليقات:
إرسال تعليق