لي قلبو مريض....ما يعرف محبة
ؤ لخشين عمر يدو ما تكون رطبة
سرك الى عياك دݣو ؤ سفو
ؤ لي دارها كحل الراس
ك يتصيد فيها الذيب
سباط لي ما تلبسو لا تمسحو
ؤ لوجه لي ما يفكك لا تغسلو
كون عاقل لبيب
تمشى قد الخطوة ݣد الجيب
لمرا لي ما تكون ليك حزام
لاتدݣ معها وتاد
لا تزرع معها صبى و اولاد
الرجل لي ما يغير
قلبو ميت يسوى الريح
الواد لما يسلك رجليك بعد منو
لكلام لي مايعجبك سد فمو
عبداوي عبدالخالق. مدغرة الراشيدية
ليست هناك تعليقات:
إرسال تعليق