لعبت بنا الأيام
وسرقت سنين العمر
واحلى مافينا
وطريق طويل مشيناه
وتاهت فيه أحلامنا
فى سكرة ليالينا
مابين شجن واللأم
وفراقنا لبعضينا
ليه توهنا وتاهت منا أحلامنا
وتاهت منا أمانينا
ياما واحنا ضغار
حكينا واتمنينا الود والعشرة
تدوم طول الحياه
احلى واجمل أمانينا
لكن ده حالك يادنيا
بقينا فى خريف العمر
وتجاعيد الزمن بانت علينا
وتجاعيد الزمن وحروفه
فى شهادة الميلاد دابت
وحاجات كتير ياما
عن الجسد غابت
والنفس زهدت يادنيا
واشتاقت لأحباب
عن دنيتى غابت
كلك فى نظرى سراب
ودنيا لأ ودت ولا جابت
فين راح زمنا الجميل
ليه سابنا وهونا عليه
فين روحت منى يازمنى
فين ضحكتى بتاع زمان
بدلت فرحى فى ثوانى
وخاطرى على الكل هان
ليه سيبتنى فى وحدتى
شارد بين الوديان
عايش باحساس سجين
بلا قضبان ولأ سجان
والشوق ساكن فى قلبى
ناره ااقوى من البركان
فين روحتى منا يالمتنا
فينك يابرائة ضحكتنا
فينك ياظلة شجرتنا
وحشتنا واللهى لمتنا
وبعدنا ماعدناش فاكرين
مين فينا بيسال على مين
والكل تايه فى الزحمه
وتاهت منا العناوين
بقلمى محمد تاج
ليست هناك تعليقات:
إرسال تعليق