مش عيب عليك ياكداب؟
قلتلي نازل اجازه استناك
بطل ياواد دلع وغياب
دانا طبخالك بايدي عشاك
في انتظارك من شباك للباب
خرجت عيني مش شيفاك
قلبي واكلني ياضنايا دأب
حاسه بحاجه وبعدين وياك
يابن صدي سناني والعزاب
راجعلي بزفه وناس شيالك
وناس بتبكي اياك كداب ؟
بقي ده آخرة شقايا والألم
سلموني البدله بدمك وتراب
بيقولوا مات لفينك بالعلم
اكيد بتهزر ولا قدرك غلاب
سموك شهيد حسره ع الشباب
وانا ام الشهيد ام الكداب
طيب والبدله والعريس الجديد
قالي هاجيب شهاده الجيش
راح ورجعلي في صندوق حديد
وافارول وبياده وكام ملطوش
خدو كل حاجه وسبهولي يعيش
ده كان كل حاجه أصبح مافيش؟
كفايا بزياده ابن عمري مات شهيد
دنياااااااا
سامح عزب
ليست هناك تعليقات:
إرسال تعليق