هاقولك كلمتين ابرك من ديوان شعر
ماتفرطش في اخوك ولو مابيعجبكش
لحمك ياولدي وسندك لو جالك القهر
حتي لو كان عليك قاسي وكلامه دبش
لو بينكم شعره وبيشدها ارخيها بالصبر
واوعاك تحسبها معاه بالجنيه أوالقرش
بكره الدنيا تنساك هتلاقيه هو الضهر
واياك ياصاحبي تدخل بينكم ست
لا تقولي مرتي وحبيبتي وشريكة عمر
الستات ياصاحبي فيهم بعض المكر
مش هاتحسبها اخوك حسابها كله شر
واياك تنصر صديق علي اخو البطن
ماتكسرش نفسه ولا تحسسه بالفقر
الدنيا يابني خاينه ومنتهاها الجبن
ترقصلك كتير بس قلبتها والقبر
خليها يو ماتقلب تلاقي ليك ضهر
دنيااااااا
سامح بن عزب
ليست هناك تعليقات:
إرسال تعليق