♕ علي أيه هنعيش ♕ بقلم الشاعر : السيد محمد

 بقلمى /السيد محمد 

علي أيه هنعيش!! 

 والحال مبقاش كده يعجبنا..

والوضع مبقاش يناسبنا.. 

نغلط ولا حد يحاسبنا.. 

علي أيه هنعيش!! 

 ده مفيش خطوه بتقدمنا..

شياطين الإنس بتحبطنا..

لو قادرين يخفونا هتخطفنا.. 

علي أيه هنعيش!! 

علي أيه هنعيش والحال مايل.. 

 وكل واحد من التاني شايل..

 النصيحه منك مرفوضه مهما تترجى وتتحايل.. 

علي أيه هنعيش!! 

علي أيه هنعيش كده ونفكر.. 

كله علي كله بيتكبر..

و عليك الفرحه بيستكتر.. 

علي أيه هنعيش!! 

دنيا مفيهاش خالص طيبه.. 

كله بينهش لحمك في الغيبه..

أفعال الناس بجد غريبه.. 

علي أيه هنعيش!! 

علي أيه هنعيش ومفيش أفراح.. 

ده محدش عايزك تكون مرتاح..

نكد وكئابه مسا وصباااح.. 

علي أيه هنعيش!! 

علي أيه هنعيش ونتألم..

في سيرتك الناس بتتكلم.. 

وجرحك في قلبك بقي معلم.. 

علي أيه هنعيش!! 

الدنيا تايهه كده بينا.. 

ولا يوم ببعض حسينا.. 

ونسينا كل اللي ما بينا.. 

علي أيه هنعيش!!

علي أيه هنعيش مع قلوب سوده.. 

ده عايزينك ترحل من غير عوده..

وشعارنا في الشر شكرا ً ومردوده.. 

علي أيه هنعيش!!

علي أيه هنعيش ومفيش إخلاص.. 

والكره بقي في قلوب الناس.. 

مبقاش في حاجه أسمها حب خلاص.. 

علي أيه هنعيش!!

علي أيه هنعيش والكل بيحقد علي كله.. 

وأقرب ما ليك من نظرته ليك بتشوف فيها حسده وغله.. 

علي أيه هنعيش!!

علي أيه هنعيش في عالم عتمه وضلمه..

في وسط ناس قلوبها قاسية وظالمه.. 

علي أيه هنعيش!! 

علي أيه هنعيش في عذاب ونيران.. 

ده الكل بيقلب فيها حيتان.. 

تصرخ ما تلاقي حتي جيران.. 

علي أيه هنعيش!!

علي أيه هنعيش ونقول يا حيااااه.. 

وإحنا جوانا عذاب وآنين وآااااه.. 

علي أيه هنعيش..

علي أيه هنعيش ومع بعضينا بنماطل..

مش عارفين الحق من الباطل.. 

علي أيه هنعيش!!

العيشه يا ناس بقت مُره.. 

أبواب مقفوله جوه وبره..

ليه نرجع ونعيد الكره.. 

مش كل مره هتسلم الجره.. 

علي أيه هنعيش!! 

صامتين وتعودنا علي السكوت.. 

ونسينا في نعمه أسمها صوت.. 

وبقي كل آملنا هو الموت.. 

علي أيه هنعيش!! 

علي أيه هنعيش ومفيش أصحاب.. 

ولا حتي أقارب ولا أحباب.. 

وفي وشك تقفلت كل الأبواب.. 

علي أيه هنعيش!! 

علي أيه هنعيش وإحنا بضاعه رخيصه في عرض أزياء.. 

زي أجساد مدفونه وهما أحياء..

 زي أرواح بتتعذب وهي أبرياء.. 

علي أيه هنعيش!!

علي هنعيش طول مالكدب بقي غايه..

والذنب بقي فضيحه و حكايه... 

و شكلك بقي وحش في المرايه..