*** فرحة رمضان ***
رمضان جاي تعالوا قوام
هاتوا الزينة مع الأعلام
أيام حلوة وبتحمعنا
كلها فرح وخير وسلام
★★★
هنصلي الليلة التراويح
ونقضيها في التسبيح
ونعيش جو كله إيمان
بقلوب تتمنى التفاريح
والله على لمة أولادنا
شايلين فوانيسهم قدامنا
والفرحة طالة ف عنيهم
تحلو معاهم أيامنا
★★★
رمضان جاي تعالوا قوام
هاتوا الزينة مع الأعلام
أيام حلوة و بتحمعنا
كلها فرح وخير وسلام
★★★
صوت الطبلة علينا ينادي
يلا اصحا يا عبد الهادي
وصحي سيد ويا محمد
دا السحور وجب يا ولادي
كله يسمي باسم الله
و نويتا الصوم لله
ونجري قوام نلبي صلاة
دا ركوع الفجر ما أحلاه
★★★
رمضان جاي تعالوا قوام
هاتوا الزينة مع الأعلام
أيام حلوة و بتحمعنا
كلها فرح وخير وسلام
★★★
والله على صوت الطبلاوي
قبل المغرب طب يداوي
يشفي ياما نفوس تعبانة
و لفعل الخير الكل ناوي
فيعلا صوت مدفع رمضان
نستنا وراه الاذان
بدعوة جميلة لرب الكون
نتمنى قبول الرحمن
★★★
رمضان جاي تعالوا قوام
هاتوا الزينة مع الأعلام
أيام حلوة وبتحمعنا
كلها فرح وخير وسلام
★★★★★★★★★★★★★★
بقلم / مصطفى كرم
ليست هناك تعليقات:
إرسال تعليق