عايز أشترى قلب
كلمات / أيمن البكري
عايز أشترى قلب
يكون راضى
ميسلمش نفسه لحد
وميحنش ل أسوء ماضى
يكون مطمن من جواه
إن ربنا معاه
ومش هيضيع تعبه
علي الفاضي
عايز أشترى قلب
لا بيحقد ولا بيحسد
ولا بيتمنى شر لحد
فيه ناس فى الدنيا دى عايشه
خطاوى الناس بتحسب وتعد
وبنظره ياعين تقتل وتحطم وتهد
على إيه دى دنيا أكيد فانيه
ومحدش ضامن عمروا فيها ثانيه
مش مستاهله غير إننا
نعيشها بحب وود
مسمعتش يوم مثل
صاحبى وصاحبك مين ياعم
يحطلك العسل فى السم
ويقولك لقمة العيش أهم
فيه ناس سهل تصدقها
أصل الخداع داه مبدئها
وعلى الخيانه قادره
والمخلصين عمله نادره
خلاص صعب ترجعها
ومش هتقابلهم
حتى لو فى الحلم
ياخلق الدنيا دى رحله
يدوب فيها إحنا
عليها شوية ضيوف
تتغير فيها ملامحنا
لو من قلبنا سامحنا
هنعيشها من غير خوف
ليست هناك تعليقات:
إرسال تعليق