مسحراتي
مسحراتي عواد ناياتي
في اﻻيد سبع صانعات
اكسب يومياتي دعوات
صلاتي
واهي ماشيه بالكرامات
اناكل عيبي مفيش
في جيبي
عايشها بالنفحات
اعرف اغني وغصب
عني
أصاحب الصدمات
ادخل في حارة من جوه
حارة اصحصح النايمين
لكن اﻻكاده بشربها
سادة
كل البشر تايهين
الواد بشندي ابن
الافندي
ﻻزقلي في الشباك
اتلو اﻻسامي يقول
حرامي
انجر وامشي هناك
الم بعضي علي طول
واعدي
ارشق لتاني زقاق
احللي صوتي ببلح
سكوتي
هدية من السباك
الست شادية شعنونه
هادية
حالها ساعات وساعات
موصياني ومحلفاني
اشوف عريس لنجاه
البنت حيلة حلوه جميله
لكن الجنان ده جنااات
أصل الوراثة زي
الرصاصة
بتوصل الحلوات
كلمت واحد للدنيا زاهد
والتقوي فيه عنوان
طلع عارفها وفاهم
ظروفها
جنانها له علامات
قاللي ياعيني ليه بترازيني
ببلوه السكان اوعاك
تقرب
أمشي واغرب عن وجهي
انا بالذات
الواد حماصه آخر مياصه
ولد علي بنتين
عامل ضفيره علي رأسه
عيرة
ويشبه اﻻختين
يندهلي ألقي في صوته
حرقة
بتجزب الماشيين
اﻻسم عصمت والشكل
ميرفت
مخلوط من الصنفين
الحاج موسي ده حالته
حوسة
ميراته ناشفه عليه سيباه
ونايمة
يقمع في باميه وجايبه
عاليه واطيه
اندهله نوبه يحدفلي
طوبه
يبطح دماغي وادووخ
مقدرش الومه معلق
همومه
علي البخت اللي انا فيه.
علشان صفاتي مسحراتي
في اﻻيد سبع صانعات
عواد ناياتي سايب حياتي
ماشيه بالنفحات
وهاتها جمايل بااااارب
شاعر الحارة المصرية
صلاح سليمان
ليست هناك تعليقات:
إرسال تعليق