& شااااف العجب &
بقلم/عماد الأبنودي
***********
عايش دور المثالي
روتين لأمر اعتيادي
بقول ماشي و أقول
عااااااااااااااادي .....!
حاضر و نعم و تمام
معنديش بربع جنيه كلام
راضي بالعيشة و ما فيها
و اللقمة لو بس الاقيها
مسترضي .... أو غضبان
كاتم غلبي في قلبي
شاكر ااالمولي ربي
مهما أكون زعلان ...
مش بأعتب ع ظروفي
و لا اقول لدنيتي شوفي
غلبان ساكن ف زمان
متمرمط كده و متبهدل
تقولشي مش إنسان
لففها ... كعب داير
تعبان من المشاوير
الغلاء واكل كتافه
و حاله صبح مرير
مين عليه يطبطب
و يحن يا بني آدمين
صراع الجشع بيكتب
مشهد مأساوي حزين
ليه ...؟ غايبه عنه الراحة
مكتوب عليه التعب
و أهو فيها بصراحة
منك شاااف العجب
امتي معااااه ترقي
و تخفي ياما حمولك
و تبطلي كدا تكسري
عشمان دايما ف جنونك
وتكتبي نهاية سعيدة
مليانة هنا و أفراح
و سنين الحزن القريبة
تهجر معاها الجراح
بقلم
عماااد الأبنودي
23 , 3 , 2023
ليست هناك تعليقات:
إرسال تعليق